PROVERBI VENETI

A cura di Aldo Francisci

 

Se te ghe bisogno de qualchedun, cori da un poaréto.

Chi xe al coverto quando piove, l’è ben mato se el se move.

I pitochi coi pòle, i siori coi vòle.

L’amor xe potente ma l’oro onipotente.

El sazio non ghe crede a l’afamà.

Ciàve de oro verse e porte de fero.

Le done xe sante in cesa, angei in strada,  diavoi in casa,

civete a la finestra, gaze a la porta.

Dove comanda le done e ara le vache se vede le robe mal fate.

Sete omeni no porta drento tanto col càro quanto na femena no porta fora

co’ la traversa.

El segreto de le femene no lo sa nesun, trane che mi e vu e el resto del comun.

PROVERBI VENETI

A cura di Aldo Francisci

 

Cusina che fuma, dona cativa e coverta rota manda

l’omo in maeora de troto.

El naso dei gati, i zenoci dei òmani e el cueo dee fémene xe senpre fredi

Né can, né vilan no séra mai porta.

De genaro, ogni galina fa gnaro…

Signore, fà che no sia beco; se ghe so’, fà che no eò sapia;

se eò sò, fà che no ghe bada.

Leto fato e fémena petenà, eà casa xe destrigà.

Tramonto de naranza, de bon tempo ghe xe speranza.

Quando el sol va zo rabioso, el zorno drìo non xe piovoso.

Lune pelose zornade piovose.

Nebia bassa, bon tempo lassa.

Nuovole rosse, o vento o giosse.

Sento omani sta in amicissia, do fémene fa barufa.

Co le nuvole fa scafete, piova le te impromete.

 

 

PROVERBI VENETI

A cura di Aldo Francisci

 

Dona de mondo no ga mai fondo.

El cielo pecorin, promette un bel matin.

Dona e luna, ora serena ora bruna.

Se piove quando el sol se volta indrè, acqua fin ai piè.

Dona sconpagnà xe senpre mal vardà.

Co l’età l’omo fa pansa e eà fémena fa stomego.

Fìe da maridar, ossi duri da rosegar.

Bea bionda, beato chi te sfonda.

Dona nana, tuta tana.

Quando la luna gà el sercio, vol piover.

Bea in fassa, bruta in piassa.

No gh’è sabo de Maria, che sol no ghe ne sia.

Una dona, omo beato. Do done, omo gato. Tre done, omo santo. Cuatro done, omo mato.

Cuando che el Signore voe castigate el te manda l’ispirassion de torte na ostaria o de sposarte.

PROVERBI VENETI
A cura di Aldo Francisci

Le fémene e le vache bone, no le va mai fora de paese

El caligo purga el tempo.

Fioi e colombi sporca le case.

Alba rossa, o vento o giozza.

La piova lenta la ze quela che bagna.

Segno in zielo, desgrazie in tera.

I campi vizin al laomaro i ze sempre grassi.

Le disgrazie le ze sempre pronte, come tole de le osterie.

Cul che caga no ghe oro che lo paga.

Do fémene e un’oca fa un mercà.

Co parla na bea fémena tuti ghe da rason.

E fémene xe come e nuvoe: co e va via xe na bea jornada.

E femene crea eà vita, noialtri ghe eà toemo.

Libri, fémene e cavai no se presta mai.

Baso no fa buso.

Al ciaro de na candea no se stima né dona né tea.

Novantanove maridai fa’ sento bechi.

Chi dise sposa dise spesa.

Chi che ga na bea mojère no eà xe tuta sua.

Chi che se marida vecio sona de corno.

PROVERBI VENETI
A cura di Aldo Francisci

Eà bira fa imarsire i pai, fa deventare zai, ingropa e buee e te

rovina e scarsee.

El bon vin xe ciaro, amaro e avaro.

Aqua turbia no fa spècio.

Gato serà deventa leon.

Aprile e magio i ze la ciave de tuto l´ano.

Quando el galo canta zo de ora, doman no ze pì ‘l tempo de sta ora.

Se tuti i bechi portasse un lampion, che gran iluminazion…

Amor no fa bogere la pignata.

No tocar can che rósega, nè zogador che perde.

Da barufe de vilani e da amor de cani starghe lontani.

Um´ora de bon tempo suga la strada.

Chi bastona el so caval bastona la so scarsela.

Chi fa la festa no la gode.

Chi vol vendere mete in mostra.

Ramo corto vendema longa.

El soldo fà soldo.

Chi roba se fa siori.

Novo paron, nova lege.

Co se sta ben, se more.

La morte no la ga lunàrio.