PROVERBI VENETI

PROVERBI VENETI

A cura di Aldo Francisci

Chi che bastona el so cavalo bastona la so scarsela.

Chi che ga na vacheta ga na botegheta.

Chi che ga solo on porzelo lo ga belo, chi ga solo on tosato lo ga mato.

Chi che ghe fà la barba al musso perde l’aqua e anca el saon.

Chi che zerca cavalo e fémena senza difeto, no’l gavarà mai cavalo in stala e

fémena in leto.

Chi leze el cartelo no magna vedèlo.

Chi piègora se fà el lupo se lo magna.

Chi sparagna el gato magna.

Chi vol stare san pissa spesso come on can.

Co la caveza se liga i cavai, co la parola i òmani.

Co’ canta el ciò xe finio de far filò.

Co’ canta el galo sola rosà, core l’aqua par la carezà.

Co’ canta le zigàle de Setenbre no conprare gran.

Co’ la vaca tien su el muso, bruto tenpo salta suso.